Mae gennym wirfoddolwyr ar draws pob rhanbarth o Gymru.
Mae gwirfoddolwyr yn cymryd rhan am nifer o resymau. Mae rhai eisiau gwneud gwahaniaeth cadarnhaol i fywydau eraill; mae rhai eisiau datblygu sgiliau newydd ac mae rhai eisiau cwrdd â phobl newydd a chael hwyl.
Mae pob person sy’n gwirfoddoli i ni yn bwysig i’n gwaith. Yn Llais mae gennym nifer o rolau gwirfoddol. Mae’r rhain yn cynnwys:
Casglwr Adborth Ar-lein
Casglu adborth am brofiadau pobl o wasanaethau iechyd a gofal cymdeithasol sydd wedi’u gadael ar-lein.
Gwirfoddowr Ymweld
Byddwch yn cyfarfod â phobl ar-lein neu’n bersonol mewn lleoliadau iechyd a gofal cymdeithasol ar ymweliadau a drefnwyd ymlaen llaw i ddeall beth maen nhw’n meddwl sy’n gweithio a beth allai fod yn well.
Gwirfoddolwr Ymgysylltu Cymunedol
Byddwch yn ymuno â thîm Llais lleol i gwrdd â phobl ar-lein ac wyneb yn wyneb yn y gymuned, i gasglu eu barn a’u profiadau o wasanaethau iechyd a gofal cymdeithasol.
Gwirfoddolwr Cynrychioli
Byddwch yn mynychu cyfarfodydd a digwyddiadau ar ran Llais, gan gyflwyno ein safbwynt, a gwneud nodiadau o’r cyfarfod i adrodd yn ôl ar wybodaeth berthnasol.
Fel gwirfoddolwr efallai y byddwch am ymgymryd â sawl rôl, neu efallai y byddwch yn dewis meysydd lle mae gennych ddiddordeb arbennig. Byddwn yn trafod ac yn cytuno ar hyn gyda chi.